أعربت الفنانة رحمة أحمد ، التي تصور شخصية “مربوحة ” في المسلسل التلفزيوني “الكبير بعيد 6” في الموسم الرمضاني الجديد 2022، عن سعادتها بتواجدها في صدارة محركات البحث ومواقع التواصل الاجتماعي في رسالة على صفحتها الرسمية على فيسبوك ، والتي شاركه آلاف الأشخاص، وقامت بنشر الفنانة رحمة أحمد تدوينة عبرت موقع التواصل الاجتماعي الفيس بوك معبرة عن سعادتها بنجاح شخصيتها في المسلسل الذي أثار جدل الجمهور منذ الانطلاقة الاولي.
رد فعل مربوحة “رحمة احمد” بعد النجاح الساحق في الكبير أوي ج 6
قائلة: «أنا مش عارفة أعبر عن إحساسي بالامتنان، الحمدلله والشكر لله، أي حاجة حلوة حصلت أو اتقالت ليا فده كرم كبير أوي من ربنا، ويمكن أكبر من اللي استحقه، عندي 3 نقاط عايزة أقولها، الأولي، إن فنانة زي دنيا سمير غانم لا تقارن بحد، وأنا مش حد خالص، أنا من فانز دنيا سمير غانم، لأن لو اتحطينا في مقارنة، فمن المؤكد إني اللي هبقى خسرانة».
وتابعت الفنانة رحمة احمد او مربوحة : «النقطة الثانية، بعد توفيق ربنا، أن فنان زي أحمد مكي يدي مساحة لحد يقول حاجة، دي مبتحصلش من أي فنان موجود على الساحة، الراجل ده عنده اللي يكفيه وزيادة، وأنه يسيب فنان قدامه يقول وهو سايب إيده، مهما اتكلمت عنه مش هوفيه حقه فنيا ولا إنسانيا، والمبدع أحمد الجندي ميتخيرش عنه، يسيبك تقول ويعليك ويركبلك شغل، وذكي يعرف يطلع الضحك من أي شخصية ويحطها في مكانها الصح».
واستكملت «رحمة»: «النقطة الثالثة، ليك أنت يا حبيب قلبي، أخويا الكبير الداعم المستمر بكل الطرق، صادق في فرحته، أنا مهما حكيت على اللي عملته معايا علشان أوصل وإني أبقى في عمل من أهم الأعمال في رمضان، مش هيكفي فيك كلام، شكرا أحمد أمين، الأخ والفنان والإنسان، إنك دايما جنبي».
واختتمت منشورها، قائلة: «أحمد أمين.. أحمد مكي.. أحمد الجندي.. أنتم مكسب لأي فنان ولأي شخص، وبشكر ربنا دايما إن ربنا كتبلي إني أعرفكم، وشكرًا لأي حد دعمني حتى لو بكلمة كويسة وبالأخص صلاح الدالي.. فنان هياخد حقه كويس جدًا ويستاهل أكتر، شكرًا لأي حد وقف جنبي واللي إداني ضهره وربنا لأوريك».
