بياكلوا فول بالذهب”.. عمرو أديب عن الجدل حول فواتير السحور على السوشيال ميديا، بعد تداول فواتير السحور بمبالغ هائلة عبر مواقع التواصل الاجتماعي وصفحات السوشيال ميديا من الفيس بوك والانستجرام والواتس آب، مسببة حالة من الجدل والضجة الكبيرة بسبب ارتفاع أسعار أطعمة السحور والتي تشمل الفول والطعمية والبطاطس، حرص الإعلامي عمرو أديب الرد على كل هذا الجدل المثار بطريقة ساخرة للغاية.
ومن خلال برنامج عمرو أديب التلفزيوني “الحكاية” الذي يعرض عبر شاشة MBC مصر 2، علق على حالة الجدل الموجودة عبر مواقع التواصل الاجتماعي بعد انتشار فواتير السحور الباهظة بسخرية، وقال: “هو حر، الشخص اللي بيتسحر بالمبلغ دا وفي المكان دا كان متوقع ايه ؟! هل جالته صدمة؟! هو عارف هو داخل فين وهيدفع كام وأكيد راح هناك قبل كده”.
واستكمل أديب حديثه قائلا: “عايز تتسحر بـ 6 آلاف جنيه أعمل كده، اللي عايز يتسحر بكده هو حر.. حرام وكتير اه بس هو زي ما هو عايز”، مضيفًا: “جايز بياكل فول بالذهب أو بيقطعوا له ألماظ على الطعمية أو يجيبوا له الفول محطوط في أواني مرمرية”.