الكفته برا البيت مضروبة

وتابع الكبابجي: ” كل الكفتة برا البيت مضروبة  ، حتى أكبر محلات الكباب في مصر تشتري من مصدر واحد (المذبح). توجد مصانع تحت الدرج تصنع 10 كيلو أكياس من كرات اللحم تبدأ من 30 جنيها للكيلو حتى 100 جنيها للكيلو.

فرحت وقولت له تمام يبقي المحلات الكبيرة بتشتري أفضل حاجة أبو 100 جنيه ، رد عليا وقالي بلاش تعرف المعامل دي بتعمل الكفتة من إيه  أبو 30 بيحطوا حته دهن علي كل كيلو وأبو ١٠٠ ممكن يحطوا ديل ولا عظم مفروم ، اما الباقي ده مش لحمة أصلا ولا بقري ولا جاموسي ولا ضاني.

اعترافات الكبابجي

وقال الـ كبابجي: “أنا خايف من ربنا قوي ياعالم مين أكل من عندي ومات ولا عاش، تصدق يابني مرة عملت كفتة نظيفة لحم ودهن من الجزار طبيعي عارف النتيجة بعت 15  كيلو رجع منهم حوالي 12 كيلو بيقولوا وحشه وفيها حاجة غلط الظاهر إننا اتعودنا علي البلاوي والميكروب.

واسترسل: يابيه كل اللي بيشتري كفته وحواوشي ابو خمسه جنيه عارف، وزيد عليهم اللي بيروح يدفع 450 جنيه في كيلو الكفته، وفاهم إنه كده أمان بالعكس أبو 450 نفس المصدر، ويزود علي الكيلو حته دهن أو ليله عشان يقولك ضاني.