خلال الفترة الأخيرة زادت معدلات البحث والتساؤل من قبل المواطنين عبر منصات التواصل الإجتماعي ومحركات البحث المختلفة عن نوع جبنة شهير يباع بالأسواق، وتأتي هذه التساؤلات بعد أن قامت الشيف فاطمة ابو حاتي بالتحذير علي صفحتها الشخصية بالفيسبوك من جبنة موتزريلا، وكتبت قائلة: “اعذروني مش هينفع اشهر بالشركة اللي فيها عمال، بس دي المواصفات اللي علي الكيس، ياريت تقرأ قبل ماتجيبها وما تشريهاش”، ومن خلال الأسطر القليلة القادمة نقوم بعرض كافة التفاصيل تابع المقالة إلى النهاية.
أزمة الجبن
قام رواد وسائل التواصل الإجتماعي بتداول تحذير من الشيف فاطمة ابو حاتي من نوع جبنة تسبب في أفسد وصفة الجلاش بالجبنة، وهذا ليس المنشور الأول للشيف فاطمة ابو حاتي حول أزمة الجبن، وقد كتبت اليق فاطمة في منشور لها قائلة: ” حدث بالفعل النهاردة عايزه اصور وصفه مالقيتش عندي موتزريلا، بعت بنتي ماركت كبير (بدون ذكر اسماء) جابتلي نوع بالنسبالي اول مره استخدمه المهم بدأت وفتحت الكيس لاقيت الجبنه عباره عن شرايط وقطع مش مبشوره عادي مفيش مشكلة، المشكلة اني لاقيت فيها قطع لونها اصفر غامق قولت يمكن عاملين ميكس مع جبنه شيدر !!!”.
الشيف فاطمة ابو حاتي
وأضافت الشيف فاطمة أبو حاتي قائلة: “قرأت تاني اللي عالكيس لاقيتها موتزريلا فقط تمام، استبعدت اللي لونهم غامق وبدأت اعمل الوصفه ودخلتها الفرن وخرجتها وهنا كانت الصاعقة، الجبنة اتحولت للون البني وكأني كنت عامله حشوة عجوه مش جبنه، فكرت كتير اسكت وارمي الوصفه وباقي الجبنه ويادار مادخلك شر، بس لاقيتني متعصبه ومش طايقه أقعد بعد ماتخيلت إن أسرة هتعمل بيتزا مثلاً تفرح بيها أولادها في ظل الأسعار الصعبه وبعد ماتحط الجبنه على وش البيتزا تطلعلها البيتزا بني، لبست ونزلت الماركت واتكلمت مع المسئول والمفروض انهم هيرفعوا المنتج من الماركت كل، وقولتله انا هرجع تاني في أي وقت وأشوف المنتج اترفع ولا لأ والا هانزل بوست واكتب فيه اسم الماركت واسم الشركة اللي مصنعه الجبنة، اللي يعرفني يعرف اني مسالمه جداً والتصرف الطبيعي اللي كنت هعمله اني ماشتريش المنتج تاني وخلاص، بس حسيت إني مسؤله عن ناس كتير بحبهم ويحبوني من غير ماشوفهم وقررت آخد الموقف ده، ممكن يبان انه بسيط بس هو بالنسبه لي كان حاجه غير طبيعتي، آسفه طولت عليكم”.