حرصت الإعلامية ريهام سعيد، على توجيه رسالة إلى هاني شاكر نقيب المهن الموسيقية بعد قراره الأخيرة بمنع ظهور مطربي المهرجان من الظهور، حيث قالت إنها مع القرار خاصة وأن هناك العديد من الأغاني التي تقدم عبر موقع الفيديوهات يوتيوب تتضمن عبارات وصفتها بالبذيئة وهو ما لا يجب أن يقدم إلى الأطفال والشباب.
وقالت السعيد من خلال فيديو مباشر على صفحتها بموقع التواصل الاجتماعي فيسبوك لهاني شاكر: “أنت من الحاجات القليلة الجميلة اللي فاضلة”، مضيفا أنها أكبر من الشماتة في حسن شاكوش حيث قالت:”ناس بتقول إني فرحانة في حسن شاكوش لكن أنا أكبر من كدة.. أولًا حسن شاكوش ليس من ضمن الممنوعين هو ما وقفش لأنه مبيعرفش يغني أو بيقول كلام خارج، هو مش من الأسامي اللي اتوقفت.. اللي اتوقفوا مالهومش علاقة بالنقابة أو حاصلين على تصريح بالغناء”.
وأضافت أن شاكوش تم ايقافه بسبب خروجه على المسرح للرد على رضا البحراوي بشكل غير لائق وبعدها تحدث عن الناس التي تعمل في الإيقاع وأولادهم، مضيفا “لكنه صوته حلو وبيعمل أغاني حلوة وناجح، ولكنه ارتكب خطأً تم وقفه عليه زي أي حد بيرتكب خطأ في مهنته فبيتوقف، أنا اتوقفت قبل كده بس أنا معملتش حاجة ومصممة إني معملتش حاجة.. أنا ما قلتش على التخان ريحتهم وحشة ومحدش يقدر يجيب فيديو لي وأنا بقول كده”
وروت سعيد سبب خلافها مع شاكوش حيث قالت” هو قال في الفيديو إني كلمته وقلتله وكلمني وقلتله، وده محصلش لكن هو مارضيش يكلمني شخصيًا وصدّر لي مدير أعماله ودي مكانتش حاجة لطيفة من البداية لأن أنا لما حد بيحتاج مني خدمة أو حاجة عمري ما بقول له كلم مدير أعمالي لأني معنديش مدير أعمال لكن بقف أتكلم معاه على طول”، مضيفا: “أنا قلت إن اللي هيودي حسن شاكوش في داهية مدير أعماله لأنه كان عايز يحطه في حتة معينة لكن بشكل غلط، هو عايز يعمل زي محمد رمضان، لكن محمد رمضان مبيتكلمش بتعالي ومفيش مرة كلمته غير ورد عليا.. فلما أنا أكلمك عشان أقولك تعالى اتصور مع أولادي ما تصدرليش مدير أعمالك.. الطريقة اللي كان بيحطك بيها ف الحفلات مش صح وبعدت عن الناس مش قربت منهم.. ورأيي أن صوتك أحسن من عمر كمال وليك كاريزما عنه، لكن عمر كمال أذكى ومابعدش عن الناس وبقى بيطلّع صوره وهو في الجيش وأثناء عمله كميكانيكي، لكن أنت لبست النضارة والسلسلة وبعدت عن الناس”.